Токмокто секелек кыздарды зордуктоого шектелген карыя 2 айга камакка алынды
2396
Токмок шаарында жашы жете элек эже-сиңдини зордуктаган деген шек менен кармалган карыя СИЗОго киргизилди. Чүй ОИИББден ырасташкандай, шектүү 2 айга камакка алынды.
"Териштирүүнүн жыйынтыгы менен жана соттук-медициналык экспертизанын корутундусунун негизинде 2022-жылдын 31-декабрында Токмок шаардык соту шектүүнү 2 айга камакка алуу түрүндөгү баш коргоо чарасын тандаган", - дешет башкармалыктан.
Учурда кылмыш иши боюнча тергөө амалдары улантылып жатат.
Эске салсак, былтыр декабрь айында 2008-жылы жана 2010-жылы туулган кыздарды зордуктоого шектелип 80 жаштагы карыя кармалган. Ошол учурда кыздардын бири 8 айлык кош бойлуу экени аныкталган.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://allnews.kaktus.media/9930
