"Азаттыктын" жетекчиси сайттын жабылышы боюнча комментарий берди
"Азаттыктын" Бишкектеги бюросунун директору Айзада Касмалиева Kaktus.media сайтына ал жана анын командасы "Азаттык" сайты жабылып, убактылуу токтотулгандыгы тууралуу маалымат каражаттарынан билгенин билдирди.
Анын айтымында, кеңсенин жетекчилиги азырынча расмий билдирүү ала элек. "Билдирүү алаарыбыз менен мындан аркы кадамдарды карайбыз", - деди Касмалиева.
Эске салсак, Маданият министрлиги "Азаттык" сайты эки айга убактылуу жабылганын жарыялаган.
Маалым болгондой, мындай чара өлкөнүн маалымат мейкиндигинде Кыргыз Республикасынын улуттук кызыкчылыктарына каршы келген ишенимсиз материалдарга (2022-жылдын 14-17-сентябрындагы окуялар тууралуу такталбаган маалымат) жооп кайтарууга байланыштуу делүүдө. Буга чейин арыз ээси өзү Маданият министрлиги болгон.
