1-октябрдан тарта пенсия көбөйөт. Канчага
4496
2022-жылдын 1-октябрынан тарта Кыргызстанда пенсиянын өлчөмү жогорулайт. Бул тууралуу өлкө президенти Facebook баракчасында билдирген.
"Менин тапшырмам боюнча министрлер кабинети 1-октябрдан тарта пенсияны көтөрөт. Бүгүнкү күндө республика боюнча 735 миңге жакын пенсионер бар. Аларга пенсия төлөөгө жыл сайын 70 миллиард сом каралат. Эми жыл сайын республикалык бюджеттен 90 миллиард бөлөбүз", - деп жазган Садыр Жапаров.
Анын айтымында, буга чейин пенсияны 200-300 сомдой гана көтөрүп келишкен. Бул жолу орточо эсеп менен 1700 сомдон 3400 сомго чейин көтөрүүнү чечти.
Буга чейин Социалдык фонд 1-октябрдан тарта пенсиянын базалык бөлүгүн дээрлик эки эсеге көтөрүү ниети тууралуу билдирген болчу.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://allnews.kaktus.media/8301
