Темир жолдо уктап калган жаранды куткарган милиция сыйланды
4404
Темир жолдо уктап калган жаранды поезддин астынан куткарып калган кызматкер сыйланды. Милициянын кайгуул кызматынан кабарлашкандай, кызматкерге саат тапшырылды.
Сыйлыкты башкармалыктын атынан Бишкек ШИИББ боюнча милициянын кайгуул кызматынын начальниги Алмазбек Исаков тапшырып, мындай жакшы көрүнүш кыргыз милициясынын кадыр-баркынын өсүшүнө жакшы өбөлгө болуп, жаш кызматкерлерге үлгү болоорун белгилеп, мындан ары да кызматтык ийгиликтерге жетишине тилектеш экендигин билдирди.
Эскерте кетсек, 24-июлда кайгуул кызматкери кесиптеши менен өз өмүрлөрүн тообекелчиликке салып, темир жолдо уктап калган жаранды куткарып калышкан.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://allnews.kaktus.media/7670
