Муфтият имамдын атйкандарын кадыр-баркка шек келтирген жок деп тапты
"Аялдын эти арзандап, базардагы койдун эти кымбаттады" деген сөзү үчүн сынга кабылган имам Садыбакас Дооловдун айткандары кадыр-баркка шек келтирбейт. Мындай билдирүүнү Кыргызстандын мусулмандар дин башкармалыгы териштирүү жүргүзгөндөн кийин таратты.
Мекемеден дин кызматкери шариятты бузбагандыгы, саясатка аралашпагандыгы жана жеке бир адамдын аброюна жана кадыр-баркына шек келтирбегендиги аныкталганын кабарлашты.
"Муфтият Садыбакас Дооловдун видеосун 3 критерий менен карап чыкты. Учурда имам менен баарлашуу иштери жүргүзүлүп, элге айта турган сөздүн мааниси толук жетпей калгандыгы айтылды", - деп айтылат билдирүүдө.
Белгилей кетсек, 6-июлда Бишкектин Свердлов районунун имамы Садыбакас Дооловдун видеосу тараган. Анда имамдын ачык кийинген кыз-келиндер тууралуу кеп кылганы кызуу талкуу жараткан.
