Исхак Масалиев: Министрлер кабинети отставкага кетиши керек
Депутат Исхак Масалиев министрлер кабинети отставкага кетиши керек деп эсептейт. Бул тууралуу ал бүгүн, 13-апрелде Жогорку Кеңештин жыйынында билдирди.
Анын айтымында, министрлер кабинети түшүмсүз жайыттарды ижарага берүү боюнча мыйзам долбоорун чакыртып алуусу керек.
"Мен бул нерсеге көңүл бургум келет: министрлер кабинети жерди ижарага берип, ошого жашайбыз деп жатат. Вице-премьер-министр мамлекет пенсия төлөбөшү керек дейт. Бул кандай өкмөт? Ушундай сөздөрү үчүн вице-премьер-министр жана бүтүндөй өкмөт отставкага кетиши керек. Өлкөдө 170 миң жумушсуз жаран бар, аларга жөлөк пулун ким төлөйт, чегерүүлөрдү ким жасайт?" - деп эскерди депутат.
Ал министрлер кабинетине жайыттар жөнүндөгү мыйзам долбоорун чакыртып алууну сунуштады.
"Жайыттарды өзүңөр иштеткиле, эч кимге берүүнүн кереги жок", - деп кошумчалады Масалиев.
Эске салсак, пенсия реформасы боюнча парламенттик угууда министрлер кабинетинин төрагасынын орун басары Эдил Байсалов убагында социалдык чегерүүлөрдү төлөбөгөндөргө мамлекет бир дагы пенсия карыз эмес экенин айткан.
