Жириновский узакка созулган оорудан кийин каза болду
Либерал-демократиялык партиясынын (ЛДП) лидери Владимир Жириновский узакка созулган оорудан кийин каза болду. Бул тууралуу 6-апрелде Россия Федерациясынын Мамлекеттик Думасынын төрагасы Вячеслав Володин өзүнүн Telegram-каналында билдирди.
Володин: Жириновский катуу жана узакка созулган оорудан кийин каза болгон
Ал 2-февралдан бери коронавирус болуп ооруканада жаткан. Либерал-демократиялык партиянын өкүлдөрү алардын лидери оңолуп баратканын такай кабарлап турушкан.
Өмүр баяны
Владимир Жириновский 1946-жылы 25-апрелде Алма-Атада туулган. Ал 1993-жылдын 12-декабрынан баштап Россия Федерациясынын Мамлекеттик Думасынын бардык чакырылыштарынын депутаты болгон. Ал 1991, 1996, 2000, 2008, 2012 жана 2018-жылдары Либерал-демократиялык партиясынан Россия Федерациясынын президенттигине талапкер болгон. Россия Федерациясынын эмгек сиңирген юристи (2000). "Мекенге сиңирген эмгеги үчүн" орденинин толук кавалери.
