Кыргыз-өзбек чек арасында чек арачылар ок чыгарышкан
Бүгүн, 14-ноябрда Ала-Бука чек ара отрядынын чек арачылары аткезчилер менен кармашууда курал колдонушкан. Бул тууралуу УКМК чек ара кызматынын басма сөз кызматы билдирди.
Маалым болгондой, Чек арачылар Жалал-Абад облусунун Аксы районунун Таза-Суу тилкесинде мыйзамсыз аракет кылып жаткан Аксы районунун Ак-Дөбө айылынын 50гө жакын тургунун табышкан. Алар бир үйүр майда малды Өзбекстандын аймагына мыйзамсыз алып өтүүгө аракет кылган. Бул учурда контрабандачылардын шериктери МКК менен чектеш тарапта күтүп турган.
"Аткезчилер чек арачылардын мал-жандыктарды өткөрүүнү токтотуу талабына көнбөй койгон. Эскертүү иретинде чек арачылар асманга үч жолу ок аткан", - деп билдирди УКМК.
Окуя болгон жерге Ала-Бука чек ара отрядынын командири, Аксы районунун РОВДнын кызматкерлери барышып, Ак-Дөбө айылынын тургундарына түшүндүрүү иштерин жүргүзүп, андан соң жарандар окуя болгон жерден тарап кетишкен. .
Кийинчерээк ушул эле райондо УКМКнын чек ара отряды тарабынан 16 баш майда малды Өзбекстандын аймагына андан ары ташуу үчүн өзүнүн Хундай-Портер үлгүсүндөгү унаасына жүктөп бара жаткан Кыргызстандын 1994-жылы туулган Б.Н. аттуу жараны кармалган.
Алдын ала маалыматтар боюнча, кармалган жаран Б.Н.га тиешелүү бодо малдын баасы 190 миң сомдон ашык болгон.
Эки мамлекеттин чек ара өкүлдөрү биргелешкен чек арада аткезчиликке каршы иш-чараларды өткөрүштү.
Учурда кыргыз-өзбек мамлекеттик чек арасынын аталган тилкесинде абал туруктуу.
