ИИМдин кызматкерлери ымыркайды 40 миң сомго сатып алмакчы болгон. Видео
Милиция документтерди жасалмалоо жана адам сатууга шектүүнү кармады. Бул тууралуу Ички иштер министрлигинин басма сөз кызматы кабарлады.
Буга чейин Жалал-Абад облусунун Ички иштер министрлигинине Жалал-Абад шаарынын тургуну жасалма документ жасоо менен алектенип жүргөнү тууралуу маалымат түшкөн. Кийинчерээк Ж. атуу аял жаңы төрөлгөн баланы мыйзамсыз түрдө даярдаган документтери менен сатууга камданып жүргөнү белгилүү болгон.
Ыкчам-иликтөө иш-чараларынын алкагында сатып алуучу катары Ички иштер министрлигинин кызматкерлери өздөрү болуп чыккан. 40 миң сом которуп жаткан учурда кылмышка шектүүнү кармашкан.
Жаңы төрөлгөн ымыркай Жалал-Абад шаардык балдарды коргоо башкармалыгынын кызматкерлерине өткөрүлүп берилди.
Бул иш Кылмыш-жаза кодексинин 171-беренеси "Адам сатуу" боюнча кайра квалификацияланган. Учурда сотко чейинки тергөө амалдары жүрүп жатат.
Башкы беттеги сүрөт иллюстрациялуу.
