Равшан Жээнбековдун адвокаты: Ал чет өлкөдө дарыланууга муктаж
Равшан Жээнбековго орто фиброз деген диагноз коюлган. Ал Түркияда дарыланууга ниеттенүүдө. Бул тууралуу Kaktus.media редакциясына анын адвокаты Замир Жоошев билдирди.
"Үстүбүздөгү жылдын 8-октябрында, "Садмир" гепатологиялык борборунда, Равшан Жээнбековго 2-3-даражадагы фиброз деген диагноз коюлган. Буга байланыштуу ал Түркияда дарылануу каалоосун билдирген. Арызыбыз жеткен, бирок, чечим кабыл алына элек. Эртең (27-октябрь - Kaktus.mediaнын болжолу) дарыгердин пикирин эске алуу менен жүргүзүлүп, бул оору боюнча толук маалымат бериши керек", - деди адвокат.
Эске сала кетсек, 19-октябрда Равшан Жээнбековдун боорунун оорусу күчөп, медициналык кароодон өтүүгө туура келгени белгилүү болгон. Ал Кой-Таш окуясы боюнча козголгон кылмыш ишинин айыпталуучуларынын бири жана учурда СИЗО-1де. Андан тышкары 12-октябрда бир мандаттуу округдан Жогорку Кеңештин депутаттарын шайлоого катышуу үчүн БШКга документтерин тапшырган.
