Орхан Инанды Түркия жарандыгынан баш тартты
"Сапат" муниципалдык билим берүү мекемесинин президенти Орхан Инанды Түркиянын жарандыгынан баш тартуу боюнча билдирүү жазган. Бул тууралуу ал сотто айтты, деп En son haber түрк басылмасы жазган.
Буга чейин Sabah басылмасы Орхан Инандынын сотунун башталышы тууралуу сөз кылган.
Айыпталуучунун адвокаты Инандынын Түркиядагы төңкөрүшкө тиешеси бар экенине карабай, Кыргызстандын жараны экенин жана жарыяланган окуялар учурунда Түркияда болбогонун айтты.
Инанды өзү Түркиянын жарандыгынан чыгуу боюнча арыз бергенин, ошондуктан соттун ага каршы кылмыш ишин козгоого ыйгарым укугу жок экенин белгилеген.
Ошондой эле Орхандынын колу үч жерден сынганы белгилүү болуп, ден соолугун чыңдоо үчүн сотту жылдырууну суранган. Соттук териштирүү 23-ноябрга жылдырылды.
Эске сала кетсек, "Сапат" түрк лицейлеринин президенти Орхан Инанды 1-июнга караган түнү жоголгон. 5-июлда президент Эрдоган анын Түркиянын атайын кызматтары тарабынан кармалганын жарыялады. Коомдук ишмерлер жана саясатчылар Түркия менен Кыргызстандын аракеттерин сынга алып, президент Садыр Жапаров Кыргызстан Инандыны кайтарууну талап кыларын билдирген. Түркиянын прокуратурасы Орхан Инанды үчүн 15 жылдан 22,5 жылга чейин эркинен ажыратууну сурап жатат.
