Замир Жоошев: Атамбаевдин абалы инфарктка жакын. Андан тышкары грыжасы кыйнап жатат
"Мурунку президент Алмазбек Атамбаев толук кандуу дарыланууга муктаж. Мындай медициналык кызматты №47 колониянын ичинен алуу мүмкүн эмес", - деп Kaktus.media'га Замир Жоошев билдирди.
Анын айтымында, 1-апрелде эле М.Миррахимов атындагы Улуттук кардиология жана терапия борборунун кардиологу М.Бейшенкулов даттануулардын негизинде бейтапты көрүп чыгып, алдын ала диагноз койгон:
Жүрөктүн коронардык оорусу, стенокардия, атеросклероз, коронардык кан тамырлардын кальцинозу, ишемикалык кардиомиопатия.
Доктур менен сүйлөшкөндө коронардык кан тамырлардын кальцинозу бейтаптын инфаркт алдындагы абалда экенин күбөлөндүрүп турарын көрсөтүп турат, деген", - деп адвокат айтты.
Андан бери эч нерсе өзгөргөн жок, болгону тизмеге Атамбаевдин арка сөөгүндөгү беш грыжа кошулду.
"№47-түзөтүү колониясында, албетте ага көз салып турушат, бирок абалы жакшы болуп кеткен жок. Ал комплекстүү дарыланууга жана операция жасатууга муктаж. Колонияда мындай шарттарды түзүп бере алышпайт", - деди Атамбаевдин жактоочусу.
Андан тышкары бир ай мурун дарыгерлердин консилиуму чогулуп, корутунду чыгарышы керек болчу, бирок азыркы учурга чейин эч кандай натыйжа жок, деп Жоошев кошумчалады.
