Бишкекте эркек кишинин жансыз денеси табылды. Ал сабалганы маалым болду
Бишкектин Свердлов районунда бир киши сабалып каза болду. Мындай маалыматты Kaktus.media редакциясына райондук ички иштер бөлүмүнүөн ырасташты.
Белгилүү болгондой, 13-сентябрда саат 15:32де милициянын нөөмөт бөлүмүнө үйлөрдүн биринен адамдын жансыз денеси табылганы тууралуу билдирүү түшкөн.
Окуя болгон жерге Свердлов РИИБдин жетекчилиги барып, каза болгон адам 1981-жылы туулган А.Б. экенин аныкташкан. Анын денесинде жаракаттар болгон. Экспертиза дайындалган.
Кийинчерэкк такталгандай, 3 адам спирт ичимдигин ичип отуруп чырдаша кеткени, мушташтын кесепетинен А.Б. каза болуп калгандыгы аныткалган.
Шектүүлөрдүн бири 1988-жылы туулган К.К. кармалып, убактылуу кармоочу жайга киргизилген. Учурда экинчи шектүүнү издөө иштери жүрүп жатат.
Kaktus.media`га өздүк булактар билдиригендей, маркум кабыргалары сынганча сабалган.
Башкы беттеги сүрөт иллюстрациялык.
