Бишкектеги көрүстөндөрдүн биринде маркумдарды көмүү токтотулду
1374
Бишкек шаарындагы Ак-Ордо жаңы конушунда жайгашкан Новопавловка көрүстөнүндө бүгүн, 5-сентябрдан тарта маркумдарды жерге берүү токтотулду. Маалыматты Бишкек мэриясынан кабарлашты.
"Мындай чечим көмүлгөн жерди күтүүгө карата санитардык-экологиялык талаптардын сакталышын камсыз кылуу максатында мыйзамда белгиленген тартипте Кыргыз Республикасынын экологиялык жана техникалык көзөмөл кызматынын, ошондой эле Бишкек шаарынын мамлекеттик санитардык-эпидемиологиялык көзөмөлү үчүн борбордун корутундуларынын негизинде кабыл алынган", - дешет калаа башкармалыгынан.
Новопвловка көрүстөнү 2ГИСтеги картадан.
Белгиленгендей, маркумдардын сөөгүн коюу Чүй облусунун Аламүдүн районундагы Гроздь айылындагы шаардык көрүстөндө жүргүзүлүшү мүмкүн.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://allnews.kaktus.media/17208
