УКМКнын СИЗО башчысы Мадумаровду медициналык текшерүүдөн өткөрүүгө уруксат берген жок
УКМКнын СИЗО башчысы Адахан Мадумаровду медициналык текшерүүдөн өткөрүү өтүнүчүн четке какты. Бул тууралуу Kaktus.media сайтына депутаттын коомдук жактоочусу Кубанычбек Туманов билдирди.
Анын айтымында, депутаттын абалы СИЗОдо начарлап кеткен.
"7-сентябрда адвокаттар УКМКнын СИЗОсунун башчысына Мадумаровду медициналык кароодон өткөрүү үчүн саламаттыкты сактоо мекемесине алып чыгууну уюштуруу боюнча арыз беришкен. Өкмөттүн токтому менен бекитилген СИЗОнун ички тартибине ылайык, медициналык кароодон өткөрүү 24 сааттын ичинде жүргүзүлөт", - деди жактоочу.
8-сентябрда жактоочулар кайрадан арыз беришкен.
Бүгүн, 9-сентябрда белгилүү болгондой, УКМКнын СИЗОсунун жетекчиси билдирүүлөр боюнча эч кандай чара көргөн эмес.
"Белгисиз себептерден улам алар Мадумаровдун жазуу жүзүндөгү арызын кабыл алуудан баш тартышууда. Кыргызстандын баш мыйзамына ылайык, "Мамлекет ар бир адамга медициналык жардам көрсөтүү үчүн шарттарды түзөт". Конституцияда да камалган учурдан тартып адамдын коопсуздугу, ошондой эле медициналык кароодон өтүү жана дарыгердин көзөмөлүндө болуу укугу камсыздалат деп жазылган, бул көз жаздымда калып жатат", - дейт Кубанычбек Туманов.
