Эмдөө алган адам кызамык оорусуна чалдыгышы мүмкүнбү?
Коронавируска каршы күрөшүү боюнча республикалык штаб эмдөө алган адам кызамык оорусуна чалдыгышы мүмкүнбү же жокпу деп билдирди.
Инфекциянын булагы – оорулуу адам. Кызамык менен ооруган бейтап менен жок дегенде кыска мөөнөттүү байланышта болгон эмдөөдөн өтпөгөн адамдар инфекцияны жуктуруп алышат. Кызамыкка каршы эмдөө 60 жылдан бери жүргүзүлүп келет жана бул жылдар аралыгында вакциналар алдын алуунун натыйжалуу жана коопсуз ыкмасы экендигин далилдеди.
Эмдөө графигине ылайык MMR вакцинасын алган адамдар өмүр бою корголгон деп эсептелет. Бирок, өтө сейрек, бирок эмдөөдөн кийин адамда иммунитет пайда болбой калышы мүмкүн болгон өзгөчө учурлар бар. Бирок бул учурда оору жеңилирээк формада жана олуттуу кыйынчылыктарсыз өтөт.
Оорунун алдын алуу үчүн өз убагында эмдөө керек!
