Троллейбус айдоону каалагандарга бекер окуу, жатакана жана кепилденген жумуш берилет
Буга чейин "Т" категориясы менен троллейбус айдоочуларын кабыл алууну жарыялаган Бишкек троллейбус башкармалыгы эми жумуш менен камсыз кылууну гана эмес, Лицейде нөлдөн баштап окутууну да сунуштайт. Бул тууралуу борбор калаанын мэриясынын басма сөз кызматы билдирди.
Бардык каалоочулар №20 кесиптик лицейге (Купянская көч., 30а) окууга чакырылат. Алар алты ай акысыз билим берүүнү, стажировканы жана жатакананы (ошондой эле бекер) сунушташат. Окууну аяктагандан кийин алар кызматтык жумушка орношууга жана татыктуу маянага (салыктарды кошкондо 50 миң сом) убада беришет.
Кошумча маалыматты 0550 22 01 73 телефону аркылуу алса болот.
Эске салсак, 10-августта троллейбустун айдоочулары митингге чыгып, 11-августта такыр линияга чыккан эмес. 12-августтун таңында кайра иштерине кипишкен. Буга Бишкек мэриясынын муниципалдык транспортто накталай эмес төлөмгө толугу менен өтүү чечимине байланыштуу айдоочулардын айлык акыны 70 миң сомго чейин көтөрүү талаптары себеп болгон. Айдоочулар электрондук билет системасынын өзүнө каршы эместигин, аны менен иштөө аларга дагы ыңгайлуу экенин айтышты. Бирок аны киргизгенден кийин алар кирешесин жоготуп коюшкандыктан, айлык акыны жогорулатууну талап кылышкан.
Мэрия 50 айдоочу жаңы шарттарга макул эместигин билдирди - алар иштен алынат.
