Гавайидеги өрт кырсыгынан каза болгондордун саны 100гө чукулдады
1493
АКШнын Гавайи штатындагы Мауи аралында токой өртүнөн каза болгондордун саны 93кө жетти. Бул тууралуу бир катар чет элдик маалымат каражаттары жазышты.
Буга чейин Гавайи полициясынын башчысы кырсыктан каза болгондордун сөөгүн издөө иштери жаңы гана башталып, куткаруучулар иттер менен күйгөн жерлердин аз гана аянтында издөө иштерин жүргүзгөнүн билдирген. Андыктан курман болгондордун саны көбөйүшү мүмкүн.
Өрттүн кесепетинен 2,2 миңден ашуун имарат бузулуп, талкаланган. 900 гектар токой массиви күйүп кеткен. Учурда 4500дөй адам убактылуу жашоочу жайга муктаж.
Белгилесек, Гавайи аралдарында өрттүн кесепетинен адамдардын каза болгондугуна байланыштуу президент Садыр Жапаров АКШ президенти Джозеф Байден-кенжеге көңүл айтуу телеграммасын жолдогон.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://allnews.kaktus.media/13936
