Садыр Жапаров Москвадан кайтып келди. Иш сапардын жыйынтыгы

Саясат

1836

26 май 2023 09:14

Негизги жаңылыктар кыскача Telegram каналында

Өлкө башчы Садыр Жапаровдун Россия Федерациясына 24-25-май күндөрү болгон иш сапары аяктады. Президенттин администрациясынан маалымдашкандай, 26-майга караган түнү Садыр Жапаров Бишкекке кайтып келди.

Сүрөт: Президенттин администрациясы

Иш сапарынын алкагында 24-майда президент Москва шаарында "Көп полярдуу дүйнөдөгү евразиялык интеграция" II Евразия экономикалык форумунун пленардык жыйынына катышты.

Сүрөт: Президенттин администрациясы

ЕАЭБ өлкөлөрүнүн башчылары жана делегациялары интеграциялык процесстер, санариптик трансформацияны тездетүү, транспорттук-логистикалык инфраструктураны өнүктүрүү, евразиялык институттарды өнүктүрүү, бизнес-демилгелерди колдоо боюнча кошумча чаралар жана башкалар боюнча суроолорго жооп беришти.

Эртеси, 25-майда Жогорку Евразия экономикалык кеңешинин (ЖЭК) тар жана кеңейтилген курамдагы кезектеги жыйыны өттү. Бирликтин алкагында соода-экономикалык кызматташуу маселелери, ошондой эле эл аралык кызматташтык жана Евразия мейкиндигинде мындан аркы интеграция маселелери талкууланды.

Сүрөт: Президенттин администрациясы

Жыйынтыгында ЕАЭБ алкагында экономикалык кызматташтыкты өнүктүрүүгө жана интеграцияны андан ары тереңдетүүгө багытталган бир катар чечимдер жана документтер кабыл алынды жана кол коюлду.

Темаңыз барбы? Kaktus.kg'ге жазыңыз Telegram же WhatsApp: +996 (700) 62 07 60.

url: https://allnews.kaktus.media/12532